Në një profil krejt ndryshe nga ai i Ministrit të Brendshëm është shfaqur Dritan Demiraj në studion e “Opinion”.
Ai ka folur në lidhje me strategjitë e luftimit të grupeve terroriste në botë duke përfshirë dhe ISIS-in por edhe luftën në Irak.
Veç të tjerave Demiraj foli edhe për Sadam Hysenin dhe misionin e ushtrisë Shqiptare në Irak. Demiraj tha se ushtria e Sadam Hysenit ishte ndër më të fuqishmet ne botë.
“Ushtria e Sadam Hyseni në fillimet e saj ka qenë një nga 6 ushtritë më të fuqishme që ka pas bota deri në operacionin e viti 1991. Madje në rajon aviacioni dhe forcat e Sadamit kanë qenë thuajse në vendin e parë. Ajo me pas u shkatërrua dhe u kthye në një varrezë vdekje.”
Ministri Demiraj ka folur edhe për një nga shqiptarët që u bënë mjaft të njohur me ISIS-in, Lavdrim muhaxherin. Demiraj tha se në atë zonë ku dhe ka lindur Muhaxheri është një zonë që janë bërë disa arrestime, pasi hoxha e atij fshati ka ndikuar në indoktrinimin e shumë të rinjve.
Ai bëri me dije se Lavdrim Muhaxheri prej një periudhë gati 4-vjeçare ka luftuar në Siri për vendosjen e ndikimit të Shtetit Islamik (ISIS).
Ministri Demiraj theksoi se karriera e Muhaxherit u spikat jashtëmase nga fakti se ai realizoi disa prerje koke, të cilat sollen edhe ngritjen apo spikatjen e tij tek krerët e ISIS.
(E.K/SHUPLAKA)
