Demokratët këmbëngulës, vazhdojnë protestën në çadër, Basha: Do qëndroj me ta gjatë gjithë natës

Kreu i Partisë Demokratike, Lulzim Basha ndodhet me protestuesit në bulevardin “Dëshmorët e Kombit”. Ai bashkë  me demokratët e tjerë dhe qytetarët janë vendoru në çadrën e ngritur për këtë protestë. Demokratët janë mbledhur aty që prej mëngjesit të sotëm, ndërsa protesta filloi në orën 12:00. Kryedemokrati Basha  ka deklaruar se do të qëndrojë gjatë gjithë natës me protestuesit.  Kreu i PD-së thotë se tashmë ka ardhur koha që qeveria të tërhiqet dhe se Rama është shumë poshtë moralisht.

“Dikush duhet të tërhiqet, qeveria ose populli. Por mendoj se ka ardhur koha të tërhiqet qeveria”, tha Basha. Do të qëndroj gjatë gjithë natës me protestuesit. Kjo protestë tashmë nuk është në duart e mia. Kjo protestë tashmë është në dorën tonë. Kryeministri i vendit është rrëzuar moralisht”, u shpreh Basha.

I pyetur nga gazetari i “News 24” se cili është mendimi i tij lidhur me qëndrimin e LSI ndaj protestës së opozitës, Basha tha se “Nuk ka asnjë mendim për këtë”. Deri më tani nuk ka asnjë reagim nga LSI-ja për protestën e demokratëve ditën e sotme.  (J.V/Shuplaka)