“Demokratët nuk pyeten më në PD”, ‘zbërthehet’ djali i Sokol Olldashit: Fajin na e ka vetja

Djali i Sokol Olldashit, Glauk Olldashi ka reaguar pas zgjedhjeve të mbajtura me 30 Qershor për drejtuesit vendor, process të cilin ai e quan se e ka detyruar që të mos votojë edhe pse e kishte për herë të parë këtë të drejtë.

“E Diela ishte dita në të cilën do të kisha ushtruar për herë të parë të drejtën e votës. Nuk e bëra, edhe pse e kisha pritur këtë ditë prej kohësh”, shkruan ai.​

Më tej, Glauk Olldashi analizon shkurtimisht edhe mënyrën se si funskionon Partia Demokratike duke treguar se nukm iu është trembur kurrë proceseve zgjedhore.

“Demokratët nuk i janë trembur kurrë proceseve zgjedhore sepse ato janë për ne prova dhe sprova e demokracisë. PD-ja fiton zgjedhje vetëm kur ndjell besim dhe frymëzon demokratët dhe të gjithë shqiptarët që edhe pse nuk kanë bindje të caktuara politike besojnë tek fryma që forca jonë përfaqëson”.

Ndërkohë, ai ngre edhe disa pyetje rreth situatës në të cilën ndodhet vendi, mbi faktin se kujt i shërbeu dhe kujt jo ky proces.

“A është në popull ky besim? Zgjedhjet e 2015 dhe 2017 treguan që, Jo. Tek procesi i 2019 nuk e testuam besimin e popullit. Tashmë ky akt, i cili i dha 61 bashki PS – A do t’i vlejë kësaj force politike? Po për ne a do të vlejë?”.

Ndërkohë Olldashi ka bërë edhe një pyetje retorike sa i përket përgjegjësi se përse opozita nuk menaxhon më asnjë pushtetdhe nga ana tjetër shprehet se demokratët kritik nuk pyeten më në PD dhe se kush guxon të kundërshtojë, sipas tij shpallet “tradhëtar”.

“Fakti i hidhur është që PD nuk do të menaxhojë më asnjë pushtet. Kush ka faj? Sigurisht që përgjigja që na vjen në mendje kur na pyesin është “vetja”. Por, demokratët nuk u pyetën për vendimin e mospjesëmarrjes, në fakt demokratët jo vetëm që nuk pyeten më në PD, por edhe kur ndonjëri guxon të kundërshtojë shpallët “tradhëtarë”. Kjo mendësi komuniste, edhe pse e huaj për partinë tonë, na ka “infektuar”. C’farë është kura? Për mendimin tim do na bënte mirë një proces zgjedhor për ristrukturimin e partisë tonë.
P.S., Po më quajtët tradhëtar……. nuk mërzitem”.

(F.GJ/FAXWEB.AL)