Në përfundim të procesit të demontimit të municioneve në dy zona të konsideruara të nxehta, në Picar dhe Kordhocë, sot në Gjirokastër është zhvilluar një ceremony ku kanë marrë pjesë ministrja e Mbrojtjes Mimi Kodheli dhe ajo e Kulturës Mirela Kumbaro.
Dy ministet nuk kanë nguruar të provojnë veshjet speciale gjatë kësaj ceremonie, ku u bë prezantimi i rezultateve konkrete të këtij programi.
Ministrja Kodheli ka falenderuar Forcat e Armatosura dhe ka vlerësuar bashkëpunimin me donatorët, ndërsa ka shtuar se që prej fillimit të programit të pastrimit të zonave të ndotura nga municionet në vitin 2011 ku u identifikuan 19 hotspote, numri i tyre është reduktuar në 4 të tilla.
Sipas ministrisë së Mbrojtjes, ky program ka mundur të pastrojë nga municionet një sipërfaqe prej 52 mijë m2 duke identifikuar dhe asgjësuar një sasi prej rreth 20 mijë municionesh aktive. (D.D/Shuplaka)
