Ashtu siç dhe është paralajmëruar të hënën protesta e opozitës pritet të zhvendoset nga çadra në drejtim të rrugëve të tjera në Tiranë, dhe qytete.
Që nga nisja e protestës prej 18 prillit, situata është paraqitur mjaft paqësore dhe asgjë nuk është përshkallëzuar.
Ndërsa tani në një moment që palët politike vijojnë të mbeten shumë larg në qëndrimet e tyre duket se e vetmaja zgjidhje janë intesifikimi i protestave.
Lajmin për bllokimin dhe të akseve të tjera rrugore e ka konfirmuar dhe deputeti demokrat Arben Ristani i ftuar në ‘Oktapod’ të gazetarit Turjan Hyska.
‘’Fillimisht do të ketë si zakonisht një protestë në shesh në orën 11-12. Demostrimet do të zhvillohen një afër Milotit, një në Lushnje, një në afërsi të Tunelir të Qafë Thanës, një te Sheshi Shqiponja dhe një tjetër te Pallati me shigjeta.
Nuk ka për të pasur blloqe betoni. Arsyet pse njerëzit duhet të jenë të hënën aty janë të thëna dhe të stëthëna. Zgjedhje të lira dhe të ndershme, zgjedhje pa krimin dhe drogën’’, u shpreh Ristani. (E.K/SHUPLAKA)
Discussion about this post