Gjatë ditës së sotme ish-ministrja e Brendshme dhe njëkohësisht deputete e PD-së Elona Gjebrea ka premtuar se të përmbyturit në Tiranë do të dëmshpërblehen.
Po a është ky një mesazh i ngjashëm me atë që bëri deputetja për familjet në Shkozë?! Kujtojmë se ajo premtoi se banesat e tyre nuk do të prisheni pa arritur një marrëveshje dhe kjo nuk ndodhi. Mbetet të presim dhe të shohim premtimin e rradhës.
“Gjatë 3 ditëve e fundit, reshjet e shumta që kanë rënë në gjithë vendin tonë, kanë shkaktuar përmbytje të shumta. Në Tiranë, Shtabi i Emergjencave në bashkëpunim me Policinë e Rendit, Njësia Bashkiake nr.1, Vullnetar dhe Ndërlidhësit me komunitetin, ku gjatë këtyre ditëve të vështira, kanë qëndruar pranë banorëve të Njësisë nr.1. Ata ndoqën nga afër situatën e krijuar nga reshjet e dendura , duke qëndruar në gatishmëri për çdo emergjencë . Personalisht gjate këtyre 2 ditëve, kam qenë shpesh në terren për të parë nga afër situatën e krijuar nga reshjet e shiut.
Sipas të dhënave të deritanishme , nuk ka pasur dëme të shumta, kjo edhe si rezultat i investimeve të kryera gjatë vitit të fundit në këtë zonë. Ndërkohë po evidentohen dëmet e shkaktuara dhe në bashkëpunim me institucionet përkatëse pranë Bashkisë së Tiranës, do të mundësojmë dëmshpërblime për ata që janë dëmtuar nga përmbytjet.
Te gjithë banorët e njësisë nr.1, për çdo nevojë që mund të keni në lidhje me situatën, për te gjetur zgjidhje me te shpejta mbi problematiken tuaj,do ju lutesha te kontaktoni në këtë nr +355 69 470 1045,” përfundon Gjebrea.
(E.K/Faxweb)
Discussion about this post