Të gjitha familjet që janë prekur nga fatkeqësitë natyrore përgjatë tri viteve, konkretisht nga viti 2013 deri në 2016-ën, do të marrin dëmshpërblim brenda datës 30 dhjetor.
Janë gjithsej 2.498 familje në 18 bashki që do të përfitojnë në total 450 milionë lekë, fondi i vënë në dispozicion nga qeveria për familjet që banesat u janë dëmtuar nga fatkeqësi të ndryshme përgjatë tri viteve.
Dëmshpërblim të plotë do të përfitojnë 94 familje në Tiranë, 513 familje në Fier, 508 në Elbasan, 498 familje në Durrës, 92 familje në Berat, 120 familje në Lezhë, 175 familje në Vlorë dhe 7 familje në Korçë.
“Tërheqja e ndihmës financiare do të bëhet pranë zyrave të Postës Shqiptare ose në numrat e llogarisë në bankat e nivelit të dytë të dhënë nga zyrat e Financave të bashkisë përkatëse.”, ka bërë me dije Shemsi Prençi, drejtori i Përgjithshëm i Emergjencave Civile. (XH.A/SHUPLAKA)
Discussion about this post