Ministria e Punëve të Brendshme nëpërmjet një njoftimi bënë me dije se fondi prej 450 milion lekësh i miratuar nga qeveria për dëmshpërblimin e 2.498 familjeve, banesat e të cilave janë dëmtuar nga fatkeqësi të ndryshme në vite, i ka kaluar për shpërndarje njësive vendore të qeverisjes.
Sipas Ministrisë së Punëve të Brendshme këto njësi duhet të marrin masa urgjente për njoftimin e familjeve që përfitojnë dhe se afati për kryerjen e pagesave do të jetë deri në datën 30 Dhjetor 2016-të.
Ministria ka theksuar gjithashtu se çdo kryefamiljar duhet të ketë të hapur një llogari bankare në një banke të nivelit të dytë, në të cilën njësia vendore do derdh shumën e dëmshpërblimit. (MD/SHUPLAKA)
