Dëmtimet e futbollistëve në fushën e lojës janë nga më të tmerrshme. Ndërkohë që një i tillë është përjetuar edhe mbrëmjen e së premtes në futbollin gjerman.
Mbrojtësi i skuadrës së Fortuna Duseldorf, Kevin Akpoguma u dëmtua mjaft rëndë duke thyer qafën pas një përplasje me sulmuesin e St. Pauli, Bernd Nehrig.
Prestigjiozja gjermane “Sport Bild” raporton se futbollisti i Duseldorfit ka thyer vertebrën e parë të qafës, por është jashtë rrezikut për jetën. Megjithatë, duket se do të jetë e vështirë që ai të kthehet sërish në fushën e lojës.
Pas kësaj përplasje lojtari ka përfunduar në spital për të marrë mjekim të specializuar pasi gjendja e tij ka qenë mjaft e rënduar. (E.K/SHUPLAKA)
