’’Dëmtojmë Partinë Socialiste dhe tërhiqemi nga gara’’, ky ka qenë reagimi i tre partive të majta pas një takimi me Musa Ulqinin dhe kryeministrin Rama në Selinë e PS-së.
Bëhet fjalë për PSV 91 e Petro Koçit, Partinë Socialiste të Moderuar të Gjergji Kojës dhe atë të avokatit Idajet Beqiraj.
Përmes një deklarate për mediat, ata bënë thirrje që çdo votë në 25 qershor të shkojë për PS-në, në mënyrë që kjo e fundit të arrijë të sigurojë 71 mandate për të qeverisur e vetme.
“Votat t’i shkojnë PS-në, në mënyrë që të kemi vazhdimësinë e kësaj qeverisje për të bërë reformat. PS duhet të arrijë të marrë 71 vota”, tha Koçi.
Ata i bënë thirrje edhe partive të tjera të majta që të tërhiqen nga zgjedhjet parlamentare. Duhet thënë se Petro Koçi i cili ka mbajtur postin e zëvendësministrrit të Mbrojtjes nuk u fut fare në garën e 18 Qershorit, duke deklaruar dhe më parë të njëjtin qëndrim.
Brenda dy ditëve të ardhshme, me depozitimin në KQZ të listave të opozitës, do të marrë formë dhe fleta e re e votimit. Tashmë të paktën zgjedhjet e qershorit nuk do të hyjnë më në histori si zgjedhje pa opozitën dhe me fletën e votimit më të vogël. (E.K/SHUPLAKA)
