Ministrja e Financave, Anila Denaj, ka folur sërish sonte në lidhje me paketat ekonomike të qeverisë gjatë pándemisë së shkaktuar nga kòronavirusi.
“Doja të thoja që personalisht mendoj që qeveria këto kohë është duke dhënë lëmosh. Për arsye se shifrat që janë dhënë janë tmerrësisht të ulëta sa njeriut t’i mjaftojë të hajë bukën e ditës. A do të vazhdojë lëmosha e 260 mijë lekëshit edhe për muajin e dytë dhe të tretë? Se ka shumë njerëz që muajin e dytë nuk e kanë marrë? e ka pyetur gazetari në Zonë e lirë.
“Quhet paga minimale dhe jo lëmoshë. Ndërkohë, ju më komentuat që paga e dytë nuk është dhënë. Ne kemi dhënë pagën e prillit dhe pagën e majit. Disa, të pagës së dytë janë 63 mijë që e kanë marrë”- ka thënë ministrja.
Lidhur me borxhin publik dhe bizneset e falimèntuara ministrja tha:”
“Deri tashmë parashikimi është dyfishim i deficitit buxhetor, mund të rritet, por në qershor mund ta konfirmojmë. Para pándemisë ka qenë 66.3, ne mendojmë që do shkojmë afër 80, ndoshta edhe më shumë. Ne po bëjmë të mirën e mundshme që të financojmë çdo nevojë, shërbim. “700 për këtë periudhë, por gjithsesi ky nuk është një numër përfundimtar. Kemi edhe një numër të madh biznesesh që jo gjithmonë janë produktivë, bizneset e vogla ka një rrezikshmëri të mbyllen”, ka thënë ministrja.
Discussion about this post