Pas largimit të Klement Zgurit nga mbledhja, anëtarët KQZ-së (vetë përfaqësuesit e mazhorancës), kanë vijuar diskutimet në Komisionin Qëndror të Zgjedhjeve kun ë kopetencat e kryeatrit, zëvendësi i tij, Denar Biba i cili tha se akti i Presdidentit është i pavlefshëm dhe bie sipas tij në kundërshtim me parimin e ligjshmërisë.
Qëndrimin e tij e mbështetën edhe anëtarët e tjerë të KQZ-së e cila po I vijon diskutimet vetëm me përfaqësuesit e PS-së.
Biba la të kuptohet gjatë fjalës së tij se Presidenti ka ç’dekretuar dekretin e parë dhe nuk ka dhënë një datë të re për zgjedhjet, duke theksuar se KQZ vijon programacionin në bazë të dekretit të parë pasi ka nisur procesi.
“E shtymë mbledhjen që të njihemi me dekretin e presidentin. Presidenti në Nëntor nxori dekretin për zgjedhjet me 30 Qershor. Vetëm 20 ditë para zgjedhjeve Meta vendosi shfuqizimin e dekretit. Ky dekret i dytë është një akt administrativ i pavlefshëm. Dekreti i sotëm bie ndesh me parimin e ligjshmërisë. Nuk është në përputhje me qëllimin e kompetencave që ka.
Nuk ka caktuar fare një datë zgjedhjesh. Shqipëria sot pas shfuqizimit është pa një datë zgjedhjesh. Shfuqizimi i dekretit është shkelje e hapur e Kushtetutës duke e lënë vendin pa datë zgjedhjesh. Akti administrativ konsiderohet që nuk ekziston. Vlerësoj që KQZ ka detyrimin të vijojë me organizimin e datës 30 Qershor. KQZ ka detyrimin të vazhdojë punën për ti çuar shqiptarët me datë 30 të votojnë për të përfaqësuesit e tyre”, tha Biba ndër të tjera gjatë fjalës së tij.
(F.GJ/FAXWEB.AL)
