Një ish-punonjës i kujdesit për fëmijë është dënuar me burgim të përjetshëm për përdhunimin dhe abuzimin seksual të pothuajse 70 të miturave.
Ashley Paul Griffiths , 47 vjeç, u deklarua sot fajtor për 307 vepra të kryera në qendrat e kujdesit për fëmijët në Queensland dhe jashtë saj midis viteve 2003 dhe 2022.
Ai tregoi sot detaje për 307 shkeljet e kryera në qendrat e kujdesit për fëmijë.
Të miturat e përdhunuara ishin të moshës nga një deri në shtatë vjeç, raporton BBC. Ai akuzohet edhe për abuzim me të paktën 20 fëmijë në shtetin australian të Uellsit të Ri Jugor dhe në Itali.
Griffith u arrestua për herë të parë në gusht 2022 nga Policia Federale Australiane.
Policia gjeti mijëra foto dhe video të abuzimit të fëmijëve, të cilat ai i kishte ngarkuar në faqet e errëta në internet.
Edhe pse fytyrat nuk ishin të dukshme, autoritetet zbuluan se pas tyre fshihej Griffith.
Ai u deklarua fajtor për 28 akuza për përdhunim , rreth 200 akuza për abuzim të fëmijëve dhe disa akuza për krijimin dhe ndarjen e materialeve për shfrytëzim seksual të fëmijëve.
