Teatri Kombëtar me drejtor Hervin Çulin ka reaguar për incidentin e dy ditëve më parë të ndodhur mes aktorit Laert Vasilit dhe artistëve e aktivistëve që mbrojnë prej rreth dy vitesh godinën.
Në këtë deklaratë thuhet se dënohet dhuna e ushtruar ndaj Vasilit dhe argomentophet se nuk përfaqësojnë artistët dhe as janë pjesë e vlerave morale dhe demokratike.
“Duke i uruar Laertit shërim të shpejtë dhe rikthim shëndoshë e mirë në skenë, TK distancohet nga çdo përbaltje që i bëhet skenës dhe artit shqiptar!”, shkruhet në këtë reagim ndërsa shtohet se pas kësaj ngjarjeje, do të anullohet një shfaqje të kalendarit të Teatrit Kombëtar
Reagimi i plotë:
TK dënon aktin e pa precedent të dhunimit të aktorit Laert Vasili.
Teatri Kombëtar shpreh indinjatën e thellë dhe dënon dhunën e kryer nga zaptuesit e godinës së TK ndaj aktorit dhe kolegut tonë, Laert Vasili. Aktet e dhunës nuk përfaqësojnë artistët dhe as janë pjesë e vlerave morale dhe demokratike, të cilat me aq mund i kemi fituar ! Duke i uruar Laertit shërim të shpejtë dhe rikthim shëndoshë e mirë në skenë, TK distancohet nga çdo përbaltje që i bëhet skenës dhe artit shqiptar!
Aktet e dhunës na detyruan të anullojmë një shfaqje të kalendarit të Teatrit Kombëtar, por nuk do na ndalojnë të përmbushim qëllimin tonë final: Edukimin përmes Artit!
Kujtojmë se aktivistët e kanë mohuar ta kenë dhunuar Laert Vasilin pasi ky i fundit i denoncoi përmes një videoje dhe një fotoje ku kishtë vënë në qafë nja qafore, duke pretenduar se i ishin future duart në fyt nga Robert Budina.
Më pas aktivistët shpërndanë një video ku shihet edhe prezenca e Policisë, ndërsa argumentojnë se Vasioli sikurse shihet në pamjet filmike, është shëndosh e mirë.
(F.GJ/FAXWEB.AL)
Discussion about this post