Punonjësit e administratës së spitalit të Skraparit ishin përgatitur për të takuar Zëvendësministrin e Shëndetësisë, ku në qendër të diskutimeve do të ishin problematikat që lidheshin me spitalin e Çorovodës. Por me sa duket “Rilindja” ka gjetur një formë ‘sofistikuar’ për të maskuar takimet e saj elektorale, pasi në vend të zëvendësministrit ata kanë takuar deputetin e PS-së Adnor Shameti.
Sipas denoncimit të mbërritur në ‘Faxweb.al’, këta të fundit janë njoftuar një ditë më parë, për të pritur Zëvendësministrin e Shëndetësisë nga Tirana, por mesa duket ai e ka anulluar takimin, dhe meqë punonjësit janë mbledhur, deputeti i zonës Adnor Shameti ka përfituar nga rasti duke u “predikuar dogmat e Rilindjes”. E gjithë kjo do te dukej e pabesueshme, por nuk eshte koçidencë fakti që vetëm një javë më parë, të njëjtin takim deputeti Shameti e kishte bërë dhe me punonjësit e arsimit në Çorovodë, pasi dhe Zëvendsministri i Arsimit që ishte nisur për takim, e kishte anulluar vizitën rrugës.
(B.H/Faxweb)
Discussion about this post