Me anë të një postimi në rrjetet sociale, ku publikon edhe dokumente të qeverisë, deputetja e PD-së për Tropojën Mimoza Hajdarmataj flet për shpërfilljen, sipas saj, që kryeministri Edi Rama i bën Parlamentit dhe konkretisht Komisionit Parlamentar të Veprimtarisë Prodhuese duke i dhënë zëvëndësit të tij, Niko Peleshi, firmën mbi çështje të rëndësishme siç është edhe importi i mbetjeve.
“Ajo që të bën përshtypje është se, ndër shumë të tjerave edhe aktin për dhënie mendimi nga Kuvendi, për një çështje kaq sensitivie kombëtare, që është importi i mbetjeve, firmoset nga mëkëmbësi Peleshi dhe jo nga shefi i qeverisë”, shkruan ndër të tjera deputetja demokrate.
Postimi i plotë i Hajdarmataj:
Peleshi ka kohë që firmos ” në mungesë dhe me porosi” të Ramës.
Miq
Prej kohësh Rama kryeministër i Twitter, Facebook dhe i show televiziv, shpërfill Parlamentin herë me shkresa dhe herë me retorikën e arrogancës.
Këto akte ligjore të ardhura në Komisionin Parlmentar të Veprimtarisë Prodhuese dëshmojnë më së paku lodhjen e tij në krye të qeverisë sepse Rama ka pazare të mëdha për tu marrë.
Ajo që të bën përshtypje është se, ndër shumë të tjerave edhe aktin për dhënie mendimi nga Kuvendi, për një çështje kaq sensitivie kombëtare, që është importi i mbetjeve, firmoset nga mëkëmbësi Peleshi dhe jo nga shefi i qeverisë.
Ndërkohë skandali i shpërfilljes të procedurave parlamentare me këtë cështje vazhdon.
Kryetari i Komisionit të Veprimtarive, si komision përgjegjës, nuk denjon të bëjë pjesë të axhendës së vet, shqyrtimin e Dekretit të Presidentit, shqetësim i cili u ngrit sot publikisht edhe nga Kryetari i Kuvendit, Ilir Meta.
Koha për riciklim në koalicionin e mbetjeve.
