Ditën e djeshme në Parlament kreu i grupit Parlamentar të LSI-së Luan Rama ngriti sërish shqetësimin për situatën e drogës në vend.
Madje ai vijoi më tej duke thënë se sasi droge që janë sekuestruar janë zhdukur pa urdhërin e Prokurorit.
Për këtë ka reaguar edhe ish-ministri i drejtësisë Ylli Manjani i cili është shprehur se ky denondim është ulëritës dhe se droga ‘rilind’ në treg.
‘’Ulëritës është denoncimi i L.Ramës për zhdukjen e drogës pa urdhër të prokurorit! Mbahen në burg njerëz pa prova dhe droga “rilind” në treg!’’, shkruan Manjani.
Duhet thënë se Manjani është një nga ministrat e parë në qeverinë Rama që ka shprehur alarmin për situatën e drogës dhe kanabizimin e vendit.
Po ashtu ai ka deklaruar publikisht paaftësinë e ish-ministrit Tahiri në menaxhimin e situatës dhe se kanë qenë ndërkombëtarët ata që e kanë paraqitur këtë shqetësim te kryeministri Rama. (E.K/SHUPLAKA)
