Denoncimi i tretë brenda ditës, 5 makina të PS-së shpërndajnë para e ushqime në këmbim të votës

Shënohet rasti i tretë Brenda ditës, i shpërndarjes së parave në  këmbim të votave. Të paktën kështu denoncon dega e LSI-së në Delvinë.

Sipas kësaj force politike, disa persona u kanë ofruar qytetarëve lekë në këmbim të votave si edhe ushqime po ashtu.

Madje LSI akuzon se njëri prej tyre është prezantuar si shefi i Antidrogës.

“Personat anëtarë të Partisë Socialiste Delvinë, kanë qenë me 5 makina me targat AA 509 LM, AA395IZ, AA 311 LM, dhe 2 makina të tjera më targa fallco. I bëjmë thirrje policisë dhe prokurorisë së Sarandës të ndërhyjë menjëherë, për të ndaluar këto fenomene që rrezikojnë procesin zgjedhor në Sarandë”, denoncon LSI.

Kujtojmë se vetëm pak orë më parë, LSI ka denoncuar dy raste të ngjashme në Sarandë edhe Tiranë.(D.D/Shuplaka)