Ish-kryeministri Berisha ka denoncuar sot faktin se sipas një mesazhi po bëhet një kontrabandë e madhe kafeje.
Në rrjetet sociale ish-kryeministri denoncon bashkëshortin e drejtoreshës së doganave. Berisha i bën thirrje prokurorisë të nisë sa më shpejt hetimin.
Postimi i Berishës:
“Kontrabandën e kafesë e bën bashkëshorti i ndrikullës drejtore e Përgjithshme e doganave!
Doganieri dixhital denoncon:
-bashkëshortin e ndrikullës, drejtoreshë e Përgjithshme të doganave, për kontrabandën e madhe të kafesë, me të cilin ai e menaxhon se bashku me drejtorët Zharin dhe Marjan të doganave të Kakavijës dhe Beratit, të cilët përdorin edhe emrin e zv/ministres se Financave!
I bej thirrje prokurorisë të nise sa më shpejtë hetimin për këtë rrjet të mafies shtetërore që po iu grabit shqiptarëve dhjetëra milionë euro me kontrabandën e kafesë dhe po shkatërron tregun e saj”, shkruan ish-kryeministri Sali Berisha në Facebook.
Ja mesazhi që ai ka publikuar:
“Pershendetje lidhur me e kontrabamden e kafese duam tju bejme me dije se kjo gje ndodh kryesisht ne magazinat me te medha te kafes qe ndodhen ne qytetin e Beratit. Po te hulumtoni me thelle do te mesoni se kjo kontrabande ka ndodhur dhe ndodh nga dogana e Kakavijes ne ate te Beratit ku si protagoniste jane drejtoret e Kakavijes dhe Beratit. Te dy keta drejtore, z. Zharin dhe z. Marjan jane lidhje te ngushta te bashkeshortit te Drejtoreshes se Pergjithshme. Madje ky i fundit, ish drejtori i doganes se Beratit Marjan Prifti, u shperblye duke u bere drejtor i Antikontrabandes megjithese eshte ende per ndjekje penale. Rastet e kontrabandes ne Berat dhe Kakavije jane referuar edhe prane Drejtorise se Antikorrupsionit ne DPD. Por me thene te drejten, drejtori i Antikontrabandes vazhdon te beje te njejten gje duke abuzuar edhe me emrin e Zv ministres te Ministrise se Financave. Kjo kontrabande po lulezon nuk ka te ndalur.”
(M.D/Shuplaka)
