Një denoncim në adresë të “Shuplakës” ka ardhur nga Burgu i Fierit ku dy djem ankohen për kushtet në institucionin e vuajtjes së dënimit. Në shkrimin e tyre ata thonë se kanë paguar para që të transferoheshin në Fier nga Tirana por situatën aty e kanë gjetur më keq.
Sipas denoncimit, në burg nuk ka as kushte minimale jetësore.
DENONCIMI:
Si jeni ? Ne jemi dy çuna që po ju shkruajmë nga Burgu i Fierit. Nuk na ka ngelë njeri me folë se këtu janë të gjithë të shitur e të blerë e neve nuk na dëgjon njeri. Po deshët nxirreni këtë lajm se nuk ka për të na nxjerrë njeri nga burgu po t’paktën t’ jetojmë si njerëz këtu ku jemi. Këtu është luks i madh nga përjashta po ne e dimë ça heqim brenda. Ky është burgu më i mirë gjasme dhe t’gjithë duan me ardhë këtu sa nuk kemi ku vëmë kokën më është bërë kapicë me burra që flenë me batanije përtokë. A rrinë burrat mbi njëri-tjetrin? Unë për këtë arsye bëra kërkesë me ardhë këtu se kam qenë në Tiranë e kishim afër dhe familjen. Pagova lekë me ardhë këtu, uji s’pihet është i qelbur dhe tashi na kan sjellë dyqan brenda ku blejmë ujin 3-fish, ushqimi nuk futet n’stomak, vjen erë e qelbur nga uji që gatuhet këtu ka të sëmurë mendorë që janë akuzuar për vrasje dhe rrinë këtu. Nuk e kemi t’sigurtë jetën këtu. Kemi thirrë edhe Avokatin e Popullit për një dhunë këtu po nuk e lanë me hy. Për ne është rrezik se bëjnë kontrolle dhe na gjejnë telefona dhe na i marrin po nuk durojm dot më. (M.D/ Shuplaka)
Discussion about this post