“Mirela Kumbaro – godet sërish! Betonizohet kalaja e Tiranës e cila, brenda mureve është shpallur Zonë Arkeologjike!!! Shihni dhe gjykoni vetë mbi masakrën e re që po zhvillohet në mes të Kryeqytetit në një zonë arkeologjike A, ende të pagërmuar”, – shkruan në rrjetet sociale Forumi për Mbrojtjen e Trashëgimisë Kulturore.
Forumi ka denoncuar edhe rastin e Velierës në Durrës.
Protesta e Shoqërisë Civile kundër projektit “Veliera” në themelet e Torres Veneciane ka bërë të mundur që të ndërpriten punimet në një pjesë të sheshit “Veliera”.
Mësohet se disa arkeologë po monitorojnë punimet prej të shtunës të kaluar, ndërkohë që thuhet se pjesa tjetër e asaj çfarë është zbuluar në këtë shesh është varrosur.
Përfaqësuesit e Shoqërisë Civile kallëzuan penalisht në prokurori kreun e bashkisë, Vangjush Dako dhe e paditën në Gjykatën Administrative për ndërprerje të punimeve, me pretendimin se zbulimet arkeologjike ishin varrosur poshtë betonit.
(M.D/ Shuplaka)
