Sistemi qëndror i ngrohjes nëpër spitale është tashmë funskional, por nuk vihet në shërbim të pacientëve.
Sipas një denoncimi që qytetarët kanë bërë në gazetën “Shëndeti”, kaldajet ndizen në dhoma të caktuara, kurse pjesa tjetër mbetet në të ftohtë, ose ngrohen me rezistenca elektrike.
“Po ngrijmë të ftohti. Ja si ngrohemi gjatë netëve në QSUT. Kaloriferët ndizen në dhoma të caktuara vetëm nga 1 orë ose më pak duke na lënë në të ftohtin e acartë të natës”,- thotë një pacient. Megjithatë, familjarët e pacientëve shprehen optimistë që të paktën i lënë të ngrohen në këtë mënyrë. “Sistemi i ngrohjes vihet rrallë në funksion. Ne e kemi zgjidhur disi problemin me këto rezistencat elektrike, por që janë shumë të rrezikshme. Nuk e kuptoj pse duhet të ndodhë kjo, kur po kursehet nga njëra anë dhe harxhohet shumë energji nga ana tjetër”,- tregon një familjar i cili dërgoi fotot.
Reparti i Infektivit në QSUT përballet çdo ditë me një fluks të lartë pacientësh të cilët përballen me kushtet e tilla.
Sipas statistikave të publikuara nga vetë institucioni, shërbimi i Infektologjisë menaxhon mesatarisht 20 000 raste në vit, prej të cilave 18000 në njësinë e pranim-urgjencës, 1000 në njësinë e konsultave, 300 raste në kabinetin e sëmundjeve tropikale dhe emergjente si dhe 900 raste në klinikën ambulatore të HIV-AIDS.
(F.M/Faxweb)
Discussion about this post