Një denoncim në adresë të redaksisë së Shuplakës ka ardhur sot nga Shkoza për sa i përket lopëve që prej 4-vitesh “kullosin” në koshat e plehrave duke shkaktuar shqetësim për qytetarët.
Sipas denoncimit, lopët i përmbysin kazanët por bashkia mjaftohet me paralajmërime ndaj pronarëve të këtyre kafshëve. Personi që ka denoncuar fenomenin shkruan se ironikisht kjo skenë normalisht duhet të shihet edhe nga kryeministri i cili kalonandej për të shkuar në shtëpinë e tij.
Denoncimi te Shuplaka:
E tmerrshme, çdo ditë prej 4 vitesh i njëjti ritual në Shkozë. Lopë që përmbysin kazanët e plehrave dhe hanë çdo gjë që gjejnë brenda tyre dhe policia bashkiake i sheh dhe vetëm mjaftohet me paralajmërime ndaj pronarit të lopëve. Skandali më i madh është se këtë skenë alla Bagdad e sheh çdo ditë edhe kryeministri teksa kalon për të vajtur në shtëpinë e tij në Surrel. Zoti Veliaj që flet për rilindje urbane duhet t’i përgjigjet vetëm një pyetje, projeksionin për ” rilindjen” e ka vetëm në qendër? (M.D/Shuplaka)
