Denoncimi/ U dhunua nga ish-bashkëshorti, reagon policia: 30-vjeçarja ka bërë kallëzim për fëmijët se u morën pa leje

Policia ka reaguar pas denoncimit të avokatit Idajet Beqiri për rastin e një gruaje e cila mësohet se është dhunuar nga ish bashkëshorti.

Në denoncimin e avokatit thuhej se gruaja ka bërë kallëzim penal në Polici, por rasti nuk është marrë përsipër nga uniformat blu.

Ndërkohë që policia e Vlorës me anë të një njoftimi për shtyp bën të ditur se kemi marrë kallëzim nga shtetësja M.Sh., 30 vjeçe ndaj ish-bashkëjetuesit të saj, pasi ky i fundit ka kryer veprime vetëgjyqësie duke i marrë fëmijët pa leje.

Njoftimi i plotë 

Më datë 30.06.2018, në ambjentet e Komisariatit të Policisë Vlorë është paraqitur shtetësja M.Sh., 30 vjeçe e cila ka dhënë kallëzim ndaj ish-bashkëjetuesit të saj, pasi ky i fundit ka kryer veprime vetëgjyqësie duke i marrë fëmijët pa leje.

Specialistët përkatës të Komisariatit të Policisë Vlorë kanë marrë kallëzimin e shtetases dhe kanë kryer të gjitha veprimet hetimore dhe procedurale konform rregullave dhe ligjit.

Në përfundim të veprimeve hetimore janë referuar materialet në Prokurorinë pranë Gjykatës së Shkallës së Parë Vlorë ndaj shtetasit F.A., 44 vjeç, për veprën penale ”Vetëgjyqësia”, parashikuar nga neni 277 i Kodit Penal.

(M.Q/Faxweb)