Një i dënuar që ka qenë më parë gazetar, mësohet se mbahet në izolim prej tri ditësh në burgun e Durrësit. Shkak për izolimin e tij thuhet se është bërë raportimi nga ana e tij e problematikës me të cilin përballeshin të dënuarit në këtë burg.
Kleves Bitro raportoi pezullimin e proceseve të të dënuarve në gjykatë, për shkak se asnjë automjet nuk ishte në gjendje pune. Ai denoncoi se burgu i Durrësit nuk furnizohej me ujë të pijshëm prej disa ditësh dhe për shkeljen e të drejtave të të burgosurve nga personeli i këtij institucioni të vuajtjes së dënimit.
“Por këto denoncime të tij duket se janë shoqëruar me masën disiplinore, izolimin e tij pa asnjë arsye.”, shkruan “DurrësLajm”. Bitro që më herët ka qenë gazetar, është izoluar menjëherë.
Të dënuarit i bëjnë thirrje strukturave shtetërore, Avokatit të Popullit dhe Ministrit të Drejtësisë që të shqyrtojnë shkeljet e të drejtave të të burgosurve dhe të marrin masa. (XH.A/SHUPLAKA)
