Dënuar në Kosovë me 3 vite burg, arrestohet i riu durrsak

Është arrestuar në Durrës, shtetasi Endri Karamani 26 vjeç, banues në këtë qytet. Vënia e tij në pranga është kryer për efekt të njohjes dhe ekzekutimit në Shqipëri të vendimit penal dhënë nga Gjykata Themelore e Prizrenit.

Ai është dënuar me 3 vjet burgim për veprën penale “Prodhim dhe shitje e narkotikëve”.

Detaje të Policisë së Durrësit:

Specialistët për Narkotikët ndalojnë një shtetas të  shpallur në kërkim.Gjykata Themelore në Prizren, Kosovë e ka dënuar me 3 vjet burgim.

 Specialistët për Hetimin e Narkotikëve në Drejtorinë Vendore të Policisë Durrës, në vijim të punë së tyre për kapjen dhe ndalimin e personave të shpallur në kërkim, kanë bërë të mundur kapjen e shtetasit:

• Endri Karamani 26 vjeç, banues në Durrës.

Gjykata e Rrethit Gjyqësor Durrës me Vendimin Nr. 260, datë 19.05.2017 ka vendosur masën e sigurisë”Arrest me burg” në ngarkim të shtetasit të mësipërm, për efekt të njohjes dhe ekzekutimit në Shqipëri të vendimit penal  Nr. 218/ 2015, datë 21.12.2015 të Gjykatës Themelore të Prizrenit,  Kosovë,  të cilin e ka dënuar me 3 vjet burgim për veprën penale” Prodhimi dhe shitja e narkotikëve” parashikuar në nenin 283/1 të Kodit Penal.

Materialet i kaluan Prokurorisë së Rrethit Gjyqësor Durrës për veprime të mëtejshme.

(XH.A/SHUPLAKA)