Pas Jozefina Topallit një tjetër eksponent nga Partia Demokratike uron besimtarët e krishterë për festën e Pashkëve. Ai është deputeti Luçiano Boçi, i cili gjithashtu ka publikuar një foto me vezët e ngjyera me bojëra, të zbukuruara me gurë dekorativë.
Por këtë radhë, mediat nuk e raportuan si “vezë me diamante”, siç ndodhi me rastin e ish-kryetares së Parlamentit, Jozefina Topalli.
“..dritë Pashke, magji pranvere dhe shpresë e bekim Zoti ju uroj!
Gëzuar miqtë e mi!”, shkruan deputeti.
Paraditen e sotme, deputetja Topalli kishte zbukuruar vezët për Pashkë me disa gurë dekorativë, të cilët në çdo dyqan aksesorësh gjenden fare lehtë, por që media me ”shkopin e saj magjik”, i shndërroi menjëherë në diamante.
Për deputetin Boçi deri më tani nuk u raportua një gjë e tillë, por mbrëmja është e gjatë… Ndokujt mund t’i shkojë ndër mend ta bëjë sërish një raportim të tillë. (D.D/Shuplaka)
Discussion about this post