Ditën e sotme kryeministri Edi Rama në takimin e sotëm në Podgoricë, për Samitin e Kartës së Adriatikut u shfaq sërish me atlete ADIDA-s.
Kjo gjë u ra përsëri në sy mediave shqiptare të cilat tanimë merren vetëm me atletet e kryeministrit.
Deputeti i Partisë Demokratike Luçiano Boçi, ka reaguar duke thënë se “Lepujt vrapojnë më shpejtë me atlete adidas…”, duke e cilësuar kështu Ramën me termin “lepur”.
KOMENTI I BOÇIT
Qerrexhiu i shtetit
Qerrja e shtet-qeverisë sonë – lajmëron Rama- ka dalë me listë në xhep për gjueti lepurash, sipas aksiomës “Qeveria e kap lepurin me qerre”.
Po kjo “qerrja” e rraskapitur e shtetit tonë bën shumë zhurmë dhe lepurat po “dorëhiqen” ose po “vetëlargohen”, nuk po kapen – bërtet dikush!!!!
Por nuk është ky problemi!
Jo!
Problemi është se Qerrexhiu i shtetit tonë të lavdishëm, ose më saktë Kryeqerrexhiu është vetë “lepur”.
Prandaj ajo shprehja aksiomë duhet të ndryshojë.
Nga sot e tutje bëhet:
“Qeveria e kap lepurin me lepur” !!!???
p.s (mos e merrni për reklamë) Lepujt vrapojnë më shpejtë me atlete adidas…. (D.D/Shuplaka)
