Deputeti i Partisë Demokratike Kastriot Islami, i ftuar në emisionin “Kjo Javë” të gazetares Nisida Tufa, ka deklaruar se nuk është dakort me propozimin e kreut të Kuvendit Ilir Meta, për krijimin e një qeverie teknike.
“Qëndrimi i Metës është i artikuluar qartë për të zgjedhur ngërçin polik. Qeveria e besimit do të thotë që të kemi një qeveri ku garantohen zgjedhjet. Dhe qeveria teknike mendoj se është e duhura për zgjedhje të lira dhe të ndershme. Zoti Meta ka propozuar qeverinë e besimit, që është një kuadër shumë i gjerë. Nuk e di çka pasur parasysh zoti Meta, por ai rrit mandatin e qeverisë së tij. Opozita nuk mendon se kjo është qeveria e besimit. Nuk bëhet fjalë që të ikin disa ministra e të vinë disa të tjerë. Kjo qeveri duhet të garantojë zgjedhje të lira dhe të ndershme. Çdo lloj hije do çonte në trazira sociale.”, është shprehur Islami.
Megjithatë, ndër të tjera ai ka deklaruar se me PD dhe LSI janë në një mendje kur bëhet fjalë për zgjedhje të lira dhe të ndershme dhe nuk e mohon mundësinë e një bashkëpunimi paszgjedhor mes tyre.
“Ka dy momente, një moment kur forcat politike që kanë arritur një rezonancë, kanë një bashkëveprim në distancë mes PD dhe me LSI për të garantuar zgjedhje të lira dhe të ndershme. Është bërë i qartë pozicioni i LSI, PDIU dhe PD, për zgjedhje të lira dhe të ndershme dhe një pjesë e brendshme e PS, siç është Kokëdhima, dhe Blushit. Po shohim që Rama mbetet në zgjedhje. Në bllokun e dytë flitet për koalicion; pasi të realizohen zgjedhje të lira dhe të ndershme ka një moment tjetër para apo pas zgjedhjeve.”, shton deputeti demokrat. (D.D/Shuplaka)
