Deklaratat e Jozefina Topallit për të mbledhur grupin parlamentar për të marrë një vendim për 18 qershorin, u pasua me sulme që iu bënë nga disa zyrtarë të Partisë Demokratike.
Po kështu edhe edhe deputetët si Bregu dhe Selami, u sulmuan nga sekretari i Përgjithshëm, Arben Ristani, deputeti Genc Pollo dhe një sërë zyrtarësh të tjerë të selisë blu.
Por gjatë mbledhjes së ditës së djeshme deputeti Igli Cara i ka kërkuar kreut të PD-së, Basha që të ndalet linçimi i deputetëve nga njerëz që përfaqësojnë forumet e PD-së.
“Dua ta them që në fillim se në të gjitha rastet, unë do t’i qëndroj vendimit që do të merret këtu në Grupin Parlamentar të PD.-së Do t’i qëndroj këtij vendimi edhe nëse ai do të jetë për mospjesëmarrje në zgjedhje, ndonëse në 27 vjet anëtar i PD-së nuk e kisha menduar që mund të shkonim në një vendim të tillë politik… Unë vazhdoj të besoj se politika është arti i së pamundurës dhe besoj që vendimi ynë përfundimtar për zgjedhjet duhet të merret vetëm pasi të kemi shteruar çdo negociatë. Demokracia në thelbin e vet ka mendimin ndryshe, e këtë duhet ta respektojmë edhe këtu brenda nesh e mes nesh. Linçimi publik i deputetëve si Jozefina Topalli etj., nga njerëz që përfaqësojnë forume në PD është një gjë që duhet ndalur urgjentisht”, tha deputeti Cara. (J.V/Shuplaka)
Discussion about this post