Deputeti i Partisë Demokratike Luçiano Boçi ka publikuar një mesazh, i cili sipas tij i është dërguar mësuesve që të marrin pjesë në mitingun e radhës të kryeministrit Edi Rama.
“Të nderuar kolegë, aktiviteti i ditës së nesërme do të zhvillohet në orën 09:00 në Pallatin e Kongreseve për arsye madhore… Paraqitja e mësuesve do të jetë në orën 08:30, para hyrjes së Pallatit të Kongreseve me shumë përgjegjësi. Ndjesë për ndryshimin e orarit, por kjo nuk ka për të ndikuar në korrektësinë tuaj.
Ju lutem njoftoni të gjithë mësuesit për pjesëmarrje dhe janë të përjashtuar dhe janë të përjashtuar, duke iu uruar shumë suksese mësuesit në kualifikim. Një mbrëmje të qetë në vazhdim.”, shkruhet në mesazhin e publikuar.
Boçi shprehet se mësuesve, në ditë pushimi, do t’i duhet të dëgjojnë “pallavrat e Linditës e Ramës për sukseset e reformës që ka vdekur arsimin shqiptar”.
POSTIMI I BOÇIT
“Ky është lajmërimi për nesër, ku mësuesit rreshtohen “me lezet” me detyrim paraqitje (përjashtohen vetëm ato që kanë provimin kualifikimit) në mitingun politik të rradhës.
Madje duhet të paraqiten 30 min para, që t’i bëhet apeli!
Në media këtë maskaradë do e paraqesin si lumturinë kolektive që ka kapur mësuesit nga efekti “reformë”.
Vetë mësuesit e shkretë, në ditë pushimi, do t’i duhet të dëgjojnë pallavrat e Linditës e Ramës për “sukseset” e “reformës” që ka vdekur arsimin shqiptar:
– Terrorizoi mësuesit
– I përqeshi e i talli në pafundësi ato
– I mashtroi në vazhdimësi për katër vite rresht
– Shkëputi lidhjet e tyre me nxënësit e prindërit
– Bëri çorap maturantët me një proces kaotik pranimesh në Universitet
– Rrënoi Universitetet publike
– Privoi të rinjtë nga arsimi i lartë
– Përqeshi me rritje page pedagogët
– Stopoi kërkimin shkencor
Në fund do durojnë të marrin një pozë për foto duke….buzëqeshur!!!” (D.D/Shuplaka)
[ngg_images source=”galleries” container_ids=”1647″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
