Banorët e Shkozës kanë nisur protestën e tyre pasditen e sotme për të mbrojtur banesat e tyre. Ata kanë thënë se janë të terrorizuar nga shteti dhe madje edhe fëmijët e tyre dhe të moshuarit janë nën terror pikërisht për shkak të kësaj që po ndodh. Në mbështetje të tyre janë edhe deputetët e PD-së.
Aldo Bumçi u është bashkuar protestuesve që kanë bllokuar qarkullimin, si hakmarrje ndaj vendimit të qeverisë për të shkatërruar banesat e tyre.
Duke folur për mediat, Bumçi u shpreh se Edi Rama njeh vetëm një gjuhë, siç bënë kuksianët.
“Qytetarët të cilëve u rrezikohet familja, shtëpia që kanë ndërtuar prej 28 vitesh.
E para është të mbrojmë këta familjarë dhe familjet tuaja. Dje ishit ju dhe policia nuk arriti që të shkatërrojë shtëpitë. Por erdhën në 5 të mëngjesit dhe u shkatërroi banesën, kur nuk kishte asnjë njeri.
Edi Rama sillet sikur të jetë pushtues.
Lapraka është zona që do të goditet me rëndë. Aty do të shkatërrohen më shumë se 1 mijë shtëpi. E sjellin projektin pjesë, pjesë.
Edi Rama nuk njeh asnjë gjuhë tjetër veç forçës, siç bënë kuksianët”, tha ai. (B.H/Faxweb)
