Deputeti i PDK-së zbulon datën: Kur do formohen institucionet në Kosovë

Deputeti i Partisë Demokratike të Kosovës Besim Beqaj, është i bindur se institucionet e vendit do të formohen më 24 gusht.

Sipas Beqajt, debatet dhe bisedat ndërmjet aktorëve politikë të realizuara, kanë orientim pozitiv për vendin.

 “Ne jemi të bindur që kur koalicioni PAN e propozon Veselin për kryetar të Kuvendit, do t’i kemi votat”, ka thënë Beqaj në RTV Dukagjini.

“Ne po flasim për konsultime të gjëra politike. Besoj që është e rëndësishme të kuptohet se deputeti është i lirë të marrë vendime individuale, sepse votuesit ia kanë dhënë besimin. Nuk lejohet keqtrajtimi i deputetëve dhe shtyrja e tyre për qëndrime të tilla”, është shprehur më tej deputeti. (D.D/Shuplaka)