Deputeti i PS-së, Pjerin Ndreu ka reaguar ashpër për fjalimet e Dritan Hilës dhe Bujar Kapexhiut në çadrën e PD-së.
Ndreu thotë se këto dy figura u bënë palë me ata që vranë në Gërdec dhe më 21 Janar në bulevard.
Ish-zëvendësministri i Mbrojtjes, Dritan Hila ka dalë sot publikisht në mbështetje të kauzave të opozitës duke iu bashkuar Lulzim Bashës në çadrën para Kryeministrisë.
“Nuk e kisha menduar se do të flisja ndonjëherë përpara demokratëve. Ka shumë gjëra që na ndajnë po mendoj se duhet të thyejmë barrierat. Nga Shqipëria nuk po largohen më vetëm të rinjtë, por edhe 50 vjeçarët dhe kjo është e tmerrshme. Mua nuk më pëlqen arroganca e kësaj qeverie dhe kryesisht kundër opozitës. Më pëlqen revolta dhe kur të vjen në majë të hundës mund të thyesh diçka. Ju jeni parti e madhe dhe keni bërë historinë e Shqipërisë. Së bashku me PS-në keni çuar përpara Shqipërinë. Ju këshilloj të shikoni përpara dhe ndërtoni një lidership të ri. Mos kini frikë nga asgjë dhe nga asnjë tezë”, ka thënë ndër të tjera Hila.
Karikaturisti i njohur Bujar Kapexhiu ka hyrë dje në çadrën e protestës së opozitës përpara Kryeministrisë në krah të kryetarit të PD-së, Lulzim Basha, duke sjellë me vete një mori karikaturash.
POSTIMI i NDREUT
A është më mirë në cadër apo jashtë saj ? Stërmundimi për të tërhëqë figura publikë brenda saj është dhe dështimi i sigurtë. Në atë cadër janë vrasësit ë 26 vetëve në Gërdec ku u shfrytëzuan dhe u vdiqën ëdhe fëmijë ! Janë vrasësit e bulevardit, të 4 jetëve të pafajshme ! Janë kryehajdutët e rrugës së kombit, të plot 200 milion dollarëve ! Janë shitësit e detit te grekët, pra tradhëtarët e kombit ! Janë dhe ca njerëz të varfër që kanë arsye, natyrisht.. etj..etj…Cilido që shkon aty për tu argëtuar me muzikën e organizatorëve, ska bërë gjë tjetër vecse është bërë pjesë e këtyre njerëzve që kanë kusure me jetë njerëzish të pafajshëm ! Moral nga çadra ?! Për arsyet që thashë më lart, vec aty që nuk shitet e as nuk blihet moral se nuk ka !
(M.D/ Shuplaka)
