Deputeti nga Lidhja Demokratike e Kosovës, Haxhi Avdyli pas lajmit se kryeministrit të Kosovës I është mohuar viza për në SHBA, ka reaguar duke thënë se vizat duhen hequr për qytetarët e Kosovës, ndërsa për ata që mendojnë se qendra e botës është tek oda e katunit, duhen mbyllur aty.
Deputeti i LDK-së duket se tërë statusin ia ka kushtuar kryeministrit, pasi ironizon me oda e me allti.
Debati i alltisë ka kohë që diskutohet nëpër rrjete sociale pasi ministri i Diasporës, Dardan Gashi ishte parë në një video duke gjuajtur nga xhami i një ode. Por, për këtë veprim Haradinaj kishte thënë se është traditë e shqiptarëve të gjuajnë, shkruan Express.
Haxhi Avdyli mendon se personat e tillë duhet mbyllur në oda dhe duhet dhënë nga një armë për të gjuajtur.
“Jo po të duket. Qytetarit duhet hequr vizat , e atyre që mendojnë që oda e katundit të vet është qendra botës ,duhet me i mshel në oda. Bile edhe një allti duhet me ia dhënë që të gjuajnë”, shkruan Avdyli në FB, pasi nëpër media po raportohet se kryeministrit nuk ia kanë dhënë vizën për të udhëtuar në Amerikë. (B.H/Faxweb)
Discussion about this post