Deputeti i Lëvizjes Vetëvendosje, Enver Dugolli, ka deklaruar se sulmuesit në veriun e Kosovës duhet t’u dorëzohen Policisë së Kosovës pasi sipas tij, me ta s’ka mundësi për negocim.
“Ky është sulm terrorist i formacioneve ushtarake pasi shihen nga veshja armatimet. Këto na bëjnë të kuptojmë se kemi të bëjmë me një formacion të ushtruar mirë, me qëllim të destabilizimit të vendit. Ata kanë ardhur të vrasin policinë dhe si të tillë duhet të trajtohen. Është e pamundur që një formacion i tillë të kalojë kufirin dhe të jetë i përgatitur pa pasur mbështetje…Këtë përgjegjësi s’mund t’i ikë Serbia dhe të gjitha reagimet e këto deklarimet edhe të faktorëve ndërkombëtare të shkojnë në atë drejtim”, ka thënë deputeti i partisë në pushtet.
Sipas tij, sulmi që nisi në orët e para të së dielës ishte i mirëmenduar, derisa ka theksuar se Policia është me kapacitetet e duhura në veri.
