Milaim Zeka ka lënë paraburgimin, kjo pasi Gjykata e Apelit në Kosovë, ka ndryshuar masën e sigurisë për të nga “Arrest me burg” në “Arrest shtëpie”.
Lajmi është bërë i ditur nga mediet e Kosovës, të cilat duke iu referuar vendimit të gjykatës shkruajnë: “Aktvendimi i Gjykatës Themelore në Prishtinë, i datës 27.09.2018, është ndryshuar dhe ndaj personit në fjalë është caktuar masa e arrestit shtëpiak, e cila do të zgjasë deri më 26.10.2018″.
Zeka u arrestua pak ditë më parë, me arsyetimin e kërcënimit të prokurorit Afrim Shefkiu në Televizionin T7.
Gjykata në arsyetimin e saj shprehet: “Kolegji penal i Gjykatës së Apelit, pas shqyrtimit të pretendimeve ankimore dhe shkresave të lëndës, vlerësoi si të arsyeshme zëvendësimin e masës së paraburgimit ndaj të dyshuarit, pasi edhe më masën e arrestit shtëpiak do të arrihej qëllimi i njëjtë i sigurimit të prezencës së tij në procedurë”.
(B.B/ Faxweb.al)
Discussion about this post