Edi Rama në mbledhjen e grupit Parlamentar të Partisë Socialiste ditën e djeshme kishte një kërkesë të qartë për deputetët e tij: Mos bëni komente për protestën në rrjetet sociale. Një kërkesë kjo për të ruajtur një lloj integriteti dhe për të respektuar kundërshtarët.
Kërkesa e Ramës vijonte më tej duke thënë se deputetët socialist duhet të shpërndahen në bazë dhe të punojnë më shumë në terren.
Po jo të gjithë duket se kanë rënë dakord me këtë kërkesë të kryeministrit. Ka qenë deputeti Pjerin Ndreu ai që ka bërë një tjetër reagim për protestën e opozitës.
‘’Kjo kërkesa për zgjedhje të reja të ndershme nga të pandershmit, që janë në fakt dhe kampionet e dhunimit të votës, më ngjan si ajo puna e k…vës që s’pranon se ka pasur marrëdhënie me asnjë me parë ! Në sy të shqiptarëve në zgjedhje janë shpërfytyruar e identifikuar si hajdutë S.Berisha dhe derivatet e tij. Ndërsa Luli, bukë e kos ha,sepse vjedhin të tjerët që të rritet ai‘’, ka shkruar Ndreu. (E.K/SHUPLAKA)
Discussion about this post