Deputeti socialist Pjerin Ndreu nga Pukës dhe Fushë-Arrëza ku takoi të rinjtë e partisë socialiste tregoi edhe qëndrimin e tij të prerë në lidhje me zgjedhjet dhe krijimine qeverisë.
Ndreu nuk nguroi të shprehte dëshirën për krijimin e një qeverie vetëm “socialistë”, duke nënkuptuar kështu një shkëputje nga LSI-ja.
“Të jemi bashkë në një fitore të madhe të Partisë Socialiste të Shqipërisë me 18 qershor, me Edi Ramën kryeministër, me qeveri të plotë të Partisë Socialiste dhe me një shumicë dërrmuese në grupin parlamentar me më shumë se 71 deputetë. Ky është një zotim që ne e kemi marrë në Pukë, në Shkodër dhe gjithë Shqipërinë”, u shpreh deputeti Pjerin Ndreu, shkruan një portal online.
Ndërsa koordinatori socialist për qarkun e Shkodrës, Ditmir Bushati u ndal tek reforma në drejtësi, e bllokuar sipas tij nga Partia Demokratike.
Sipas ministrit Bushati kjo po synon që t’i fusë shqiptarët në një ngërç politik.
“Shqipëria është përball dy alternativave. Njëra alternative është 18 qershori dhe alternative tjetër 18 shkurti. 18 qershori, për të cilin ne po punojmë do të thotë të përsërisim një kontratë me qytetarët shqiptarë, në mënyrë që të thellojmë reformat dhe të afrojmë Shqipërinë më Bashkimin Evropian” tha ministri Bushati.
(J.V/Shuplaka)
