Deputeti Selami pas akuzave në media: Në Tiranë ka plasur peshku i madh

I përfolur në media këto dy ditët e fundit si i kriminuar në Itali deputeti Shkëlqim Selami ka dhënë versionin e tij për akuzat.

Ai i ka cilësuar ato si qesharake dhe se janë të stisura nga mediat sociale. Ndërkohë edhe sot Partia Demokratike përmes Enkeled Alibejat, i ka bërë thirrje Ramës të mos i shtojë rradhët e të kriminuarve në Partinë e tij.

Vetë deputeti ka thënë sot se ai ka qenë në Itali në fillim të viteve 90-të po nuk është përfshirë ndonjëherë në aktivitete kriminale.

‘’Barsoletat nuk paskan te sosur ne Tirane! Mjer kush qahet nga Vlora. Thashethemxhinjt e Tiranes jan me keq se ato te peshkatarve te Skeles qemoti qe kur s’u zinte gje grepi, thoshin zura nje peshkaqen po s’e nxora dot se ma keputi fillin hahaaa! Ne Tirane ka plas Peshku i mediave sociale! Me kane futur keto dite ne grupin e tyre te ndryshkur dhe me nxjerin larteposht emrin si kriminel. Shyqyr qe jam nga Vlora dhe futbollin e kam lozur me porta te medha,se do isha merzitur vertete! Po jo i merzitur s’jam po kam qe dje qe qesh se me marin njerezit ne tel dhe me thon urime se qenke ne regull???? ‘’, ka mbyllur reagimin e plotë deputeti.