Kryetari i Kuvendit të Kosovës, Kadri Veseli, ka njoftuar të gjithë të pranishmin në sallën e Kuvendit të Kosovës, se njëri prej deputetëve është dërguar për në spital, pasi ka arritur në seancë.
“Një deputet është sëmurë, nuk dua ta bëj emrin publik, mirëpo ai është shoqëruar për në spital”, ka thënë kreu i Kuvendit, shkruan Gazeta Express.
Seanca e jashtëzakonshme për Ekipin Negociator është thirrur nga Qeveria e Kosovës, ndërkohe nuk ka mundur të filloj si pasojë e mungesës së kuorumit.
Opozita e ka bojkotuar këtë seancë, ndërsa deputetja e vetme që po qëndron në sallë është Teuta Rugova e LDK-së.
Kjo seancë e qeverisë është thirrur një orë më herët se seanca e opozitës, ku pritej të miratohet një rezolutë që ia ndalon Thaçit të diskutojë për territorin në dialogun e Brukselit.
Discussion about this post