Deputeti shqiptar nderohet me çmim nga “Akademia Bonifaciana” në Itali (VIDEO)

Ditën e sotme “Akademia Bonifaciana” në Anagni të Italise, ka zhvilluar një ceremoni të mbylljes së vitit akademik 2016-2017.

Gjatë ceremonisë u ndanë çmime të ndryshme kombëtare dhe ndërkombëtare, ku u nderuan personalitete të larta, klerike, akademike dhe shkencore.

Ndërsa në rubrikën për pranimet e reja në këshillin shkencor të  kësaj akademie u bënë dhe pesë pranime të reja.

Një ndër emrat që u bë pjesë në pranimet e reja  ishte dhe  deputeti i ri Xhemal Gjunkshi si Anëtar i Këshillit Shkencor të Akademisë Bonifaciana, i cili në cilësinë e Shefit të Shtabit të Përgjithshëm Dhjetor 2012 është nderuar me çmimin Ndërkombëtar të Paqes.

Deputeti Gjunkshi në fjalën e tij përshëndetëse falenderoi drejtuesit e Akademisë Bonifaciana për vlersimin e bërë, duke premtuar ritjen e bashkëpunimit me ‘Akademinë Bonifaciana’ dhe se ky vlersim ” mua më mbush me optimizëm që Shqipëria shumë shpejt do të jetë pjesë e Bashkimit Europian”, u shpreh ai.

(S.SH/Shuplaka)