Deputeti socialist Paulin Sterkaj i kërkoi ministrit të Brendshëm Sandër Lleshaj që të mos nxjerrë punonjësit e policisë në protestë pa uniformat përkatëse.
Deklaratat e Sterkajt u bënë pas mbylljes së seancës plenare, pasi në nisje të saj, vetë Stërkaj u përball me tymuese dhe shashka nga ana e protestuesve.
“I bëj thirrje ministrit të Brendshëm dhe drejtorit të Policisë që policinë të mos ma nxjerrin pa mjete intervenimi. Jo policë me uniformë policie përballë protestuesve, por policët të jenë të veshur me të gjitha pajisjet e sulmit të turmave që destabilizojnë vendin”, tha Sterkaj.
Kujtojmë se kreu demokrat Basha tha sot se qytetarët do të nisin mosbindjen civile.
Reagimi i Bashës:
Shqiptarët u mblodhën për ti treguar mbarë Botës se ky vend ka zot. Sot Edi Rama përdori dhunën e tepërt ndaj qytetarëve që protestojnë në paqe. Kemi vetëm një bandë hajdutësh që kanë marrë peng institucionet, kriminelët nuk arrestohen, por bëhen deputetë dhe kryetarë bashkish, ndërsa qytetarët goditen.
Ne nuk e njohim jo vetëm Kuvendin, po as policinë e krimit, mosbindja civile do të shtrihet nga jugu në Veri. Çdokush me uniforma apo pa uniformë që është në krah të bandës së hajdutëve të Edi Ramës, është tradhëtar i shqiptarëve dhe do të arrestohet nga qytetarët shqiptarë.
Kujtojmë se për disa orë me radhë protestuesit mbajtën të rrethuar Kuvendin, ku gjendeshin deputetët opozitarë, por jo kryeministri Rama, i cili vijonte takimet në Lushnje.
Të vetëm deputetët e mazhorancës votuan Buxhetet dhe strukturën e KLGJ-së dhe KLP-së.
(E.K/FAXWEB.AL)
