Deputetja e Partisë demokratike, Mimoza Hajdarmataj ka reaguar pas mbarimit të mblrdhjes së asamblesë së P-së ku Rama shpalli qeverinë e re për 4 vitet e ardhshme.
Hajdarmataj thotë se Shqipëria për të cilën o fol në asamble nuk është ajo e qytetarit të zakonshëm, kjo sepse Shqipëra e të “zakonshmit” është ajo e mjerimit dhe skamjes, është e ikjes masive nga vendi dhe që të vret dalëngadalë pa mëshirë.
POSTIMI I PLOTË:
Dëgjuam shifra ekonomie por asnjë shifër për sa lotë janë derdhur nëpër odat familjare prej skamjes në tryezat e tyre?
Dëgjuam shifra sa emigrantë kanë hyrë ditën e votimit por asnjë shifër se sa kanë ikur nga sytë këmbët, rrugëve të botës, në kërkim të një jete më të mirë?
Dimë sa lekë janë paguar për checkup-e, të berë e të pa bëra, por nuk na thatë se sa njerëz në depresion i dhanë fund jetës së tyre apo në kriza nervore ia morën jetën dikujt tjetër? U dëgjuan ligjerata të gjata sot nga “të jashtëzakonshmit” por në fund të fundit Shqipëria që duan “të zakonshmit” është fare e thjeshtë.
Shqipëria që duan “të zakonshmit” nuk të përzë me dëshirën për të mos u kthyer më. Shqipëria që duan ” të zakonshmit” nuk të vret dalëngalë e pa mëshirë. Shqipëria që duan ” të zakonshmit” nuk është vendi i kursit të këmbimit të votës, me lek apo shantazh pusht-shteti, për të blerë shpirtin e për të robëtuar mendjen për çdo 4 vjet. Ju që i mbollët të gjitha këto 4 vite me radhë nuk e di si do ti korrni në 4 vitet që vinë. p.s për ministrat në daçi duartrokisni në daçi jo nuk ka asnjë vlerë përderisa timonieri është aty për të dytën herë… (B.H/Shuplaka)
