Vijon debati mes Bashkisë së Shkodrës, PD-së në qytetin verilindor dhe qeverisë së Tiranës. Pas akuzave mes Voltana Ademit, kryebashkiakes dhe zëvendëskryeministres Senida Mesi, në krah të Bashkisë ka dalë dhe deputetja Izmira Ulqinaku.
Ajo i kujton Mesit faktin se po bëhet kopje e shefit të saj, Edi Ramës.
“Të vjen keq që dhe zonja Mesi po bëhet pjesë e kësaj teme. Sa për kujtesë të zonjës Mesi Bashkia e Shkodrës ka mbetur jashtë të gjitha investimeve.
Kjo Bashki e jona dhe e juaja ka aplikuar për përmirësimin e shkollave, qendrave shëndetësore, rikonstuktimin e blloqever të banimit dhe përgjigja ka qenë e gjitha e njëjta, refuzimi.
Zonja Mesi si shkodrane më vjen mirë që kemi një bashkëqytetare si zëvendëskryeministre, po do ju luteshim që të ruanit integritetit shkodran, pasi po e humbni duke kopjuar pikë për pikë shefin tuaj”, u shpreh deputetja demokrate Izmira Ulqinaku në një deklaratë nga Shkodra.
(E.K/Faxweb)
