Në prag të votimit të marrëveshjes për demarkacionin e kufirit ndërmjet Kosovës dhe Malit të Zi në Kuvendin e Kosovës, në inbox-in e një deputeteje ka mbërritur një kërcënim me vrasje.
“Ky do të jetë fati i deputetëve dhe liderëve politik nëse kalon Demarkacioni! Tradhtia kësaj here do ndëshkohet. Pa gjyq… në emër të popullit”, shkruhet mbi një fotografi e cila i është dërguar deputetes në fjalë. Të paktën kështu raporton “Gazeta Ekspres”.
Një ditë më parë kryetari i Komisionit për Matjen e Territorit të Kosovës, tha se Kosova nuk ka humbur territor si pasojë e Marrëveshjes së Demarkacionit të kufirit me Malin e Zi. Mirëpo mesa duket kjo nuk i ka përlqyer personit që ka dërguar mesazhin kërcënues.
Në mbledhjen e djeshme, zëdhënësi i këtij Komisioni Tomorr Qelaj, tha se Çakorri nuk i takon Kosovës, por Malit të Zi. Këtë deklaratë ai e mbështeti mbi disa dokumente. (D.D/Shuplaka)
Discussion about this post