Deputetja e LSI-së deklaratë të fortë: Në Kuvend pati ngacmime seksiste

Dita e sotme në Kuvend më shumë sesa vendimmarrëse ka prodhuar një teatër të vërtetë, ku nuk kanë munguar as fyerjet e deputetëve.

Sipas deputetes së LSI-së, Nora Malaj sot ka mbaruar kodi i Etikës dhe ka filluar kodi i luftës dhe i ngacmimit seksist i parlamentit shqiptar.

“Parlamenti shqiptar është vendi i lirisë së fjalës. Nëse duam të japim alternativa për të gjithë shqiptarët që janë për tekste falas dhe nevojën që kemi për tu bërë bashkë, askush nuk ka të drejtë as të fyejë, as të ndalojë dhe as të na japë fjalën dhe të drejtën për atë që ne flasim. Parlamenti nuk është vetëm për atë grup parlamentar.

Ne jemi sot këtu për të kuptuar që ky oborr dhe ai Parlament do të jetë gjithmonë foltorja e vlerës për të zgjidhur problemin dhe jo për të qenë pjesë e problemit.

Nëse do kishit dëgjuar sot se cfarë fyerjesh i bënë deputetët e pozitës deputeteve të opozitës, do të kishit kuptuar që ka mbaruar kodi i Etikës dhe ka filluar kodi i luftës dhe i ngacmimit seksist i parlamentit shqiptar”, u shpreh Malaj.

(E.K/FAXWEB)