Pas deklaratave që bëri Ylli Manjani në konferencën e tij të fundit pas shkarkimit të tij nga Kryeministri Edi Rama, ndër të tjera akuzoi disa ministra të qeverisë “Rama” që sipas tij kanë fjetur me dashnoret në “Santa Quaranta”. Këtë hotel e ka në pronësi Klemend Balili, i shpallur në kërkim ndërkombëtar pas akuzave ndaj tij për trafik droge.
Shpesh është përdorur në media emri i këtij hoteli por asnjëherë nuk është përfolur për kuptimin e tij. Por çfarë kuptimi ka emri “Santa Quaranta” që Balili ka zgjedhur për hotelin e tij?
Këtë përgjigje i ka dhënë deputetja socialiste Ledi Shamku, e cila ka profesion gjuhësinë dhe eshte njohëse shumë e mirë e historisë. Sipas saj Santi Quaranta, ishin 40 Shenjtorët apo 40 Martirët në Sebastë të Armenisë.
Statusi:
“Santi Quaranta! 40 Shenjtorët apo 40 Martirët në Sebastë të Armenisë, ishin ushtarë që u lanë të vdisnin të ngrirë mbi liqen ngaqë nuk pranuan më të luftonin e as t’i binin mohit asaj çka thellësisht besonin. Zgjodhën me vdekë drejt, kur mund edhe të jetonin rrejshëm.
Si vikan kohët…!”, shkruan deputetja në Facebook. (J.V/Shuplaka)
