Deputetja e Partisë Socialiste, Olta Xhaçka ka thënë sot se Partia Demokratike po përdor protestën për të bojkotuar parlamentin dhe reformën në drejtësi. Xhaçka madje u ka bërë apel deputetëve të opozitës që të kthehen në Kuvend, në mënyrë që të ecet përpara me reformën në drejtësi dhe Vettingun.
“Drejtuesit e kësaj protestë po e shfrytëzojnë atë për të bojkotuar parlamentin dhe reformën në drejtësi. Në fakt pjesëmarrja në Kuvend dhe reforma në drejtësi janë e vetmja mënyrë për të adresuar problemet që na shqetësojnë”, tha Xhaçka.
Deputetja Xhacka tha ndër të tjera se PD dhe qytetarët kanë të drejtën e tyre për të protestuar por deputetët opozitare nuk duhet të bojkotojnë Kuvendin.
“Duke bojkotuar parlamentin dhe komisionin e reformës, bllokojnë edhe procesin. Bllokohet ecuria e procesit të vettingut”, tha ajo. (M.D/ Shuplaka)
Discussion about this post