Media austriake “Der Standard” i ka kushtuar një artikull të veçantë zgjedhjeve parlamentare në Maqedoni. “Partia VMRO-DPMNE mundi të sigurojë fitoren në këto zgjedhje parlamentare, por gjithashtu ka humbur shumë. “Ju shkruat historinë, rrëzuat regjimin me një stilolaps.”, u tha Zoran Zaev përkrahësve të tij të dielën. Kjo ishte paksa deklaratë e nxituar sepse LSDM nuk fitoi masivisht.”, shkruan në fillim të artikullit “Der Standard”.
Më tej, media austriake shkruan se VMRO-DPMNE që ka qenë në pushtet për 10 vjet,mundi të sigurojë 51 mandate, por vendimtare në krijimin e parlamentit mbetet partia shqiptare: “Shqiptarët mbeten vendimtarë në formimin e qeverisë, duke qenë shpesh lojtari kryesor në këtë vend ballkanik.”
“Rreth një e katërta e 2.1 milionë qytetarëve të Maqedonisë janë shqiptarë. Këtë here, disa prej tyre zgjodhën socialistët për të përmbysur qeverinë e mëparshme, shumë të tjerë u larguan nga BDI, për t’iu bashkuar partisë së re Besa.”, vijon më tej “Der Standard”.
Më tej, austriakja citon ekspertin e Europës Juglindore, Florian Bieber, i cili tha se në këto kushte mundet të kishte një koalicion OBRM-BDI që do të pasohej nga protesta të shumta ose nga një “qeveri e përgjithshme”, por kjo vetëm në sajë të presionit europian për shkak të mosbesimit që kushtëzon partitë politike në vend.
Discussion about this post